Дорноговь аймгийн Замын-Үүд суманд коронаврусний хоёр сэжигтэй тохиолдол илэрчээ.
Тодруулбал, Энэ сарын 23-нд Замын-Үүд суманд ачаа тээврийн Жолооч Х.А нь Улаанбаатар хотод гуравдугаар сарын 12нд Улаанбаатараас Замын-Үүд сумын постоор антиген өгч нэвтэрсэн.
Гуравдугаар дугаар 12-ноос 18-ны хооронд Замын-Үүд суманд дүүгийндээ байж байгаад энэ сарын 18-ны өдөр Улаанбаатар хот орж гуравдугаар сарын 20-ны 11.00 цагт PCR шинжилгээ өгч 21-нд шинжилгээний хариу гарахыг хүлээж 4 дүгээр зөрлөгт хоножээ. Улмаар энэ сарын 22-ны 12.00 цагийн орчимд шинжилгээний хариу "сөрөг" хэмээн цахим хуудсанд тавигдсан байсан тул Замын-Үүд сум руу гарсан байна. Гэвч мөн өдрийн 20.00 цагт Тагнуулын газраас тус иргэний хариу "эерэг" гарсан талаар мэдээлэл Замын-Үүд сумын постонд ирж Сайншанд сумын автозамын шалган нэвтрүүлэх постод саатуулан Улаанбаатар хотод хүргүүлж яармагийн 300 ортой эмнэлэгт шилжүүлжээ.
Иргэн А-ийн ойрын хавьтлын 12 хүнд тандалт хийхэд 2 хүний шинжилгээний хариу Замын-Үүд сумын нэгдсэн эмнэлэгт хийсэн шинжилгээгээр "эерэг" гарсан байна.
Баталгаажуулах шинжилгээ хийлгэхээр ХӨСҮТ рүү сорьцыг явуулжээ. Эерэг гарсан 2 тохиолдол 37 настай эмэгтэй болон 8 настай хүүхэд байна.
Тус суманд сургууль, цэцэрлэгийн үйл ажиллагаа хэвийн үргэлжилж байгаа бөгөөд хөл хорио тогтоогоогүй учраас халдвар цааш тархаж, олон хүн өвчлөх эрсдэл өндөр байгааг иргэд хэлж байна.
А.Сүх
