Монгол Улсад эхний тунгаа хийлгэсэн нэг иргэн халдвар авсан асуудал бүртгэгдсэн. Тиймээс хоёр дахь тун вакцинаа хийлгэсэн ч тайвширч болохгүй. Таны эргэн тойронд халдвартай иргэн байгаа учраас халдвар хамгааллын дэглэмээ барьсан хэвээр байх шаардлагатай гэдгийг онцоллоо.

ЭМЯ-ны газрын дарга Л.Энхсайхан “Вакцины хоёр дахь тунг хийлгэсний дараа тухайн хүнд 14-21 хоногийн дараа дархлаа тогтоно. Тиймээс дархлаа тогтох хүртэл халдвар хамгааллын дэглэмээ сахих шаардлагатай.

Коронавирус 2022 оны дунд үе хүртэл үргэлжлэх төлөвтэй байгаа гэж эрдэмтэд үзэж буй.

Тиймээс иргэд цайраар баялаг хүнс хэрэглэх, дархлаагаа дэмжиж, аль болох өөрийгөө амраахыг хүсэж байна. Утас бага оролдох хэрэгтэй” гэлээ.

А.Сүх