Боловсрол шинжлэх ухааны сайд Л.Энх-Амгалан "Бүх шатны сургалтын үйл ажиллагааг танхимаар оруулах нь зүйтэй" гэх байр суурийг үргэлж илэрхийлдэг. Тиймдээ ч ногоон бүс болох орон нутгийн сургалтын үйл ажиллагааг гуравдугаар сарын нэгнээс хичээллүүлэхээр болсон. 

Нөхцөл байдал хүнд, эрсдэл ихтэй гэдгийг эрүүл мэндийн салбарынхан учирладаг. Гэтэл "Сурагчдын хичээлийн хоцрогдол их байгаа" гэх шалтгаанаар танхимын хичээлийг эхлүүлсэн ч сар хүрэхгүй хугацаанд аймгуудад халдвар тархаж, эхнээсээ хичээл сургалтын үйл ажиллагааг зогсоож байна.

Үүнээс ч өөр арга зам байхгүй. Коронавирус нь бага насны хүүхдэд хүрсэн тохиолдолд бага тархийг гэмтээх аюултай. Тиймээс эрдэмтэд үүнд анхаарахыг зөвлөж буй.

Харин салбартаа анхаарч буй сайдын шийдвэр нь өдгөө хагас тэрбум төгрөгийг "салхинд хийсгэхэд" хүргэв.

Тодруулбал, Боловсрол шинжлэх ухааны сайд Л.Энх-Амгалан "Коронавирусний халдвар бүртгэгдсэн, эрсдэл өндөр байгаа 11 аймгийн сургууль, цэцэрлэг, дотуур байрны ариутгал халдваргүйжүүлэлтийн ажлыг зохион байгуулахад зориулж, 512 сая төгрөгийг шийдвэрлэсэн байна. 

Халдваргүйжүүлэлт хийхэд мөнгө зарцуулж буйг буруутгахгүй ч эхнээсээ энэ бүхнийг тооцоолсон бол дээрх хэмжээний мөнгийг үр дүнгүй урсгахгүй байв.

 Б.Баатар