Зэвсэгт хүчний 326-р ангийн байлдагч салаан даргадаа зодуулан хэвтэрт орсон цэргийн ар гэрийнхэн мэдээлэл өглөө. 

Байлдагчийн ар гэрийнхэнд нь хүүгийнх нь биеийн байдал муу байгааг өчигдөр мэдэгджээ. Даргадаа зодуулсан гэх цэргийн хувьд өнгөрсөн аравдугаар сарын цэрэг татлагаар цэрэгт татагджээ. Ар гэрийнхнийг нь эмнэлэг рүү оруулж, хүүтэй нь уулзуулахгүй байгаа аж.

Цэргийн ээж “Миний хүү Төрийн тусгай албаны эмнэлэгт хэвтэн эмчлүүлж байна. Миний хүүг эмчилж байгаа Анар гэх эмч танай хүү гаднын нөлөөгүй. Тархиндаа уйланхайтай байсан. Үүний улмаас харвалт өгсөн байна гэж аавд нь хэлсэн байгаа юм.

Миний хүү намар цэрэг таталтаар гурван шатны эрүүл мэндийн үзлэгээр эв эрүүл байна гээд тамгаа даруулаад явсан. Хэрэв суурь өвчтэй байсан бол цэрэг татлагад явах байсан уу.

Эрүүл хүүхдээ эх орноо хамгаалад ир гээд явуулахад салаан даргадаа үхлүүт зодуулаад ирсэнд маш их гомдолтой байна. Өчигдөр миний төрсөн ах руу залгаж 60 мянган төгрөг өгөөч эж сандру ярьсан байгаа юм. Энхтөгс гэдэг хүний данс руу мөнгө авсан. Гэтэл орой нь зодуулчихсан байсан” гэлээ.

А.Сүх