Зэвсэгт хүчний 326 дугаар ангийн хугацаат цэргийн алба хаагч бусдад зодуулж, гэмтсэн харамсалтай хэрэг гарсан. Тодруулбал, тус цэргийн ангийн салаан дарга, дэслэгч 25 настай Г согтуурсан үедээ хугацаат цэргийн алба хаагч 21 настай Б-г зодон танхайрч, хүнд гэмтэл учруулсан юм. Хүнд гэмтэл авсан цэргийн алба хаагчийг ТТАХНЭ-ийн эрчимт эмчилгээний тасагт хэвтэн эмчлүүлж байсан бол өнгөрсөн шөнө шархаа даалгүй нас баржээ.

Одоогоор салаан дарга Г-г цагдан хориод байгаа ба Зэвсэгт хүчний Хуурай замын цэргийн штабын дарга, бригадын генерал Л.Онцгойбаяр "Зэвсэгт хүчний 326 дугаар ангийн удирдлага, шат дараалсан албан тушаалтнуудад хатуу хариуцлага тооцно. Мэдээж Хуурай замын цэргийн командлалын удирдлагууд бид ч гэсэн хариуцлага хүлээхэд бэлэн"  хэмээн мэдэгдсэн билээ.

У.Тэргэл