Эрүүл мэндийн яам коронавирусний талаарх ээлжит мэдээллээ хийж байна. 

ЭМЯ-ны хэвлэл мэдээллийн ажилтан Б.Ууганбаяр "Сүүлийн 24 цагийн хугацаанд буюу 2021 оны дөрөвдүгээр сарын 1-ний өдөр нийт  11876 мянган  хүнд ПСР шинжилгээ хийхэд 486 хүнээс халдвар илэрлээ. Эдгээрийн 391 тохиолдол нь Улаанбаатар хотод бүртгэгдсэн. Ингээд нийслэлд бүртгэгдсэн тохиолдол 7657 боллоо. 

Харин 93 тохиолдол нь орон нутагт бүртгэгдлээ. Тодруулбал, Сэлэнгэ аймагт 16, Дархан 15, Орхон аймагт 17, Төв аймагт 26, Хөвсгөл 2, Булган 1, Ховд 13 тохиолдол бүртгэгдлээ. Монгол Улсад нийт бүртгэгдсэн тохиолдол 9327 боллоо. 

146 хүн эдгэрч эмнэлгээс гарсан байна. Ингээд эдгэрсэн хүмүүсийн тоо 5216 боллоо. Бас нэгэн харамсалтай мэдээ дуулгахад 58, 66 настай хоёр эмэгтэй хүн нас барлаа. Коронавирусний шалтгаанаар 10 хүн нас барлаа. Ер нь сүүлийн үед хүнд болон маш хүнд оноштой олон хүн байна. 

Одоогоор 1,990 хүн эмнэлэгт хэвтэн эмчлүүлж байгаагаас биеийн байдал, Маш хүнд-8, хүнд-37, хүндэвтэр-232, хөнгөн-1,713 хүн байна. Тохиолдлын тоо нэмэгдэхийн хэрээр хүнд маш хүнд хүний тоо нэмэгдсээр байгаа учир иргэд та бүхэн халдвар хамгааллын дэглэмээ баримталж, амны хаалтаа давхарлан зүүх, гараа халдваргүйжүүлэх, олон хүнтэй газраар явахгүй байх зэргээр өөрийгөө болон хайртай дотны хүмүүсээ хамгаалаарай.

Б.Баатар