Сэлэнгэ аймгийн Онцгой комиссоос мэдээлэл хийлээ.

Онцгой комиссын дарга Ш.Оргил “Сэлэнгэ аймагт нөхцөл байдал хүндэрч байна. Түшиг суманд 31 тохиолдол буюу хамгийн их тохиолдол батлагдсан. Мөн дөрвөн хүний түргэвчилсэн шинжилгээний хариу сэжигтэй гарсан.

Сүхбаатар суманд гурав, Мандалд нэг, Зүүнбүрэнд нэг тохиолдол гарсан.

Зүүнбүрэн суманд гарсан тохиолдлын хувьд Улаанбаатар хотоос ирсэн. Тусгаарлалтад байсан. Эхнэр, дөрвөн хүүхэд, аав гээд долуулаа байгаа. Энэ хүрээнд сумын орох, гарах хөдөлгөөнийг хязгаарласан. Ковид-ын тасагт хоёр баг ажиллаж байна.

Вакцин дөрөвдүгээр сарын 5-нд Сэлэнгэ аймагт ирж, иргэдээ вакцинжуулж эхэлнэ. Сэлэнгэ аймаг 108 мянган иргэнтэй. Үүнээс насанд хүрсэн иргэдээ дархлаажуулалтад хамруулна. Эрүүл мэндийн яамнаас ямар захиалга өгч, вакцин оруулж ирнэ. Тэр вакциныг иргэддээ хийнэ.

Зүүнбүрэн суманд зөгийчдөөс малын хөлийн татвар авах асуудалд аймгийн Засаг Даргын Тамгын газар ажилласан. Зүүнбүрэн сумын Иргэдийн хурлын захирамжийг хүчингүй болгосон. Бид хуулиа дагах ёстой. Малын хөлийн болон бусад татварыг аймгийн Иргэдийн хурлын хэм хэмжээнд шийднэ.

Сум бүр санаснаасаа татвар аваад явчихвал аймаг гэж байгаад яах юм.

Аймгийн Иргэдийн Хурлаас чиглэл өгөөд өөрсдөө хүчингүй болгох юм байна лээ. Миний хувьд өөрийн бүрэн эрхийн хүрээнд үндэслэлгүй, хууль зөрчсөн шийдвэр байна гэж үзээд хүчингүй болгосон” гэлээ.

А.Сүх