Эрүүл мэндийн яам коронавирусний талаарх ээлжит мэдээллээ хийж байна.
ХӨСҮТ-ийн дэд захирал "Сүүлийн 24 цагийн хугацаанд буюу 2021 оны дөрөвдүгээр сарын 2-ны өдөр нийт 17537 мянган хүнд ПСР шинжилгээ хийхэд 271 хүнээс халдвар илэрлээ. Эдгээрийн 232 тохиолдол нь Улаанбаатар хотод бүртгэгдсэн. Ингээд нийслэлд бүртгэгдсэн тохиолдол 7889 боллоо.
Харин 39 тохиолдол нь орон нутагт бүртгэгдлээ. Тодруулбал, Сэлэнгэ аймагт 12, Орхон аймагт 2, Хөвсгөл 2, Булган 7, Ховд 11, Дорноговь 1, Өвөрхангай 4, тохиолдол бүртгэгдлээ. Монгол Улсад нийт бүртгэгдсэн тохиолдол 9598 боллоо.
Нэг харамсалтай мэдээ дуулгахад 54 настай эрэгтэй хүн нас барлаа. Коронавирусний шалтгаант нас баралт 11 боллоо.
163 хүн эдгэрч эмнэлгээс гарсан байна. Ингээд эдгэрсэн хүмүүсийн тоо 5379 боллоо.
Одоогоор 1,987 хүн эмнэлэгт хэвтэн эмчлүүлж байгаагаас биеийн байдал, маш хүнд-7, хүнд-36, хүндэвтэр-226, хөнгөн-1,718 хүн байна.
Дашрамд өгүүлэхэд, өнгөрсөн 24 цагийн халдварын мэдээлэл нь шөнийн 00 цагаас хойших халдварын тохиолдлын тоо нэмэгдээгүй учир халдварын тоо буурсан гэж сэтгэл амарч болохгүй гэдгийг мөн анхаарууллаа.
Тохиолдлын тоо нэмэгдэхийн хэрээр хүнд маш хүнд хүний тоо нэмэгдсээр байгаа учир иргэд та бүхэн халдвар хамгааллын дэглэмээ баримталж, амны хаалтаа давхарлан зүүх, гараа халдваргүйжүүлэх, олон хүнтэй газраар явахгүй байх зэргээр өөрийгөө болон хайртай дотны хүмүүсээ хамгаалаарай.
Б.Баатар
