Говь-Алтай аймгийн Алтай сумын Хилийн цэргийн 0214 дүгээр ангийн хугацаат цэргийн алба хаагч, 19 настай Х, М нар нь энэ сарын 8-ны өдөр харуулын даргаа буудаж амийг нь хөнөгөөөд, галт зэвсэг, сумтай оргон зайлсан билээ. Аймгийн цагдаа, тагнуул, хилийн байгууллагууд ажлын хэсэг гарган ажиллаж, тухайн өдрийн 22 цагаас оргосон цэргүүдийг эрэн хайх ажиллагааг эхлүүлсэн билээ.

Оргосон цэргүүд 15 км-ийн зайд байх М-ийнхэ мотоциклыг нь гуйж аваад явсан гэх мэдээлэл бий. Харин тэд  50 гаруй км яваад шатахуун н дууссан тул мотоциклоо орхин, уул руу орсон гэх мэдээллийг ХХЕГ-аас өчигдөр өгч байсан юм. Харин өнөөдрийн байдлаар, тэд ууландаа бүгж, бүр гүн рүү орсон гэх мэдээлэл байна. Хамгийн гол нь галт зэвсэгтэй, 45 сумтай яваа тул  өөрсдийгөө болон өрөөлийг буудаж болзошгүй аюултай нөхцөл байдал үүсээд байгаа тул эрэн хайх албаныхан ихэд болгоомжтой хандаж байгаа аж. Дайрч гарсан айлаасаа боов, гамбир өвөртлөөд гарсан цэргүүд өдгөө хоол хүнсгүй болсон гэдгийг ч ХХЕГ-ынхан хэлж байна. Ямартай ч, байршлыг нь илрүүлэн бүслээд байгаа юм байна.