Эрүүл мэндийн яам коронавирусний талаарх ээлжит мэдээллээ хийж байна. 

Эрүүл мэндийн яамны хэвлэлийн төлөөлөгч Б.Ууганбаяр "Дархлаажуулалтыг 15 хоног түр хойшлуулахаар болсон. Энэ талаарх мэдээллийг Засгийн газрын гишүүд тун удахгүй танилцуулах болно.

Сүүлийн 24 цагийн хугацаанд буюу 2021 оны дөрөвдүгээр сарын 9-ны өдөр нийт 12000 мянган хүнд ПСР шинжилгээ хийхэд 689 хүнээс халдвар илэрлээ. Эдгээрийн 618 тохиолдол нь Улаанбаатар хотод бүртгэгдсэн. Ингээд нийслэлд бүртгэгдсэн тохиолдол 11792 боллоо. 

Харин 68 тохиолдол нь орон нутагт бүртгэгдлээ. Тодруулбал, Ховд 11,Хөвсгөл 1, Архангай 9, Өвөрхангай 7, Сэлэнгэ аймагт 12, Сүхбаатар 9, Дархан 8 Орхон тохиолдол бүртгэгдлээ. Монгол Улсад нийт бүртгэгдсэн тохиолдол 14183 боллоо.

Нэг харамсалтай мэдээ дуулгахад нэг хүн нас барлаа. Коронавирусний шалтгаант нас баралт 20 боллоо. 

353 хүн эдгэрч эмнэлгээс гарсан байна. Ингээд эдгэрсэн хүмүүсийн тоо 8875 боллоо. 

Одоогоор 2527 хүн эмнэлэгт хэвтэн эмчлүүлж байгаагаас биеийн байдал, маш хүнд-22, хүнд-99, хүндэвтэр-475, хөнгөн-1931 хүн байна. 

Тохиолдлын тоо нэмэгдэхийн хэрээр хүнд маш хүнд хүний тоо нэмэгдсээр байгаа учир иргэд та бүхэн халдвар хамгааллын дэглэмээ баримталж, амны хаалтаа давхарлан зүүх, гараа халдваргүйжүүлэх, олон хүнтэй газраар явахгүй байх зэргээр өөрийгөө болон хайртай дотны хүмүүсээ хамгаалаарай.

Б.Баатар