МҮОХ-ны Ерөнхийлөгч, Олимпийн аварга Н.Түвшинбаяр согтуугаар багын найз начин Э.Энхбатыг хэрцгийгээр зодож, хүндээр гэмтээсэн билээ.  Э.Энхбат ухаан оролгүй, биеийнх нь байдал дээрдэхгүй байгаа юм. Тиймээс гадаадад эмчлүүлэхээр болж, бөхчүүд улс даяар хандивын аянг өрнүүлээд байгаа юм. Эмчилгээнд урьдчилсан байдлаар, 500 сая төгрөг шаардлагатай гэсэн тооцоо гарчээ. Анх ХБНГУ-д гэж ярьж байсан ч эмч нарын зөвлөснөөр БНСУ-д эмчлүүлэхээр болж, өнөөдрийн тусгай үүргийн нислэгээр авч явахаар болжээ. БНСУ-д яаралтай хагалгаа, эмчилгээнд оруулах шаардлагатай болж, харин Монголд хандивын аянг үргэлжлүүлэх юм байна.

Харин Н.Түвшинбаярын хувьд түүнд эрүүгийн хэрэг үүсгэн шалгаж, Цагдан хорин 461 дүгээр хорих ангид 20 хоног саатуулах шүүхийн шийдвэр гарсан билээ.

У.Тэргэл