Манай улс ковидтой тулаад хагас жил гаруйн хугацаа өнгөрлөө. Харин дэлхий нийтээр хоёр дахь жилдээ цар тахалтай тэмцэж байна. Үүнтэй холбогдуулан дан ганц манай улсынх гэлтгүй дэлхий нийтээр эдийн засаг агшиж, улс орнууд аль болох тэлэх, сэргээх, эрчимжүүлэх бодлого хэрэгжүүлж байна.

Манайх ч бас ялгаагүй. Ажилгүйдэл, ядуурал улам нэмэгдэж заримд нь өдрийн хоолоо залгуулах ч тун бэрх байна. Дээр нь хэд хэдэн удаа хатуу хөл хорионы дэглэмд шилжсэнээс цөөнгүй ААН "мод"-оо барихад хүрсэн. Ийм учраас төр засгаас иргэдийнхээ орлогыг хамгаалах үүднээс хишиг болгож 300 мянгыг иргэн бүрд тараахаар болж, эхнээсээ ороод эхэлсэн. Мөнгө буух сургаар голлох бараа бүтээгдэхүүний үнэ огцом өсөж байна.

Тодруулбал, махны үнэ 3000-4000 мянгаар огцом нэмэгдлээ. Зохиомол эрэлт үүсгэж, үнээ өсгөж байна. Үхрийн мах цул нь 16 мянга, ястай нь 13 мянгаар хямд өгч байна шүү. Аваарай гэх худалдагчид. Хонины мах мөн 13 мянга. Үлдсэн махнуудын хувьд олдоц муутай. Ийм л байна лээ. Ер нь мөнгө буух сургаар ханшаа өсгөчихдөг өлөн зангаа бид хэзээ гээх улс вэ.

А.Сүх