Баянзүрх дүүргийн Засаг дарга Н.Баярмөнх коронавирусний халдвар авч эмнэлэгт, хэвтэн эмчлүүлж байгаа талаар бид өмнө нь мэдээлсэн. Тэгвэл тэрбээр өөрийн хуудсаараа дамжуулан иргэдэд уриалга гаргалаа.  

“Дөрөвдүгээр сарыан 11-нд ковид-19 шинжилгээ өгсөн. Сөрөг гарсан. Яагаад шинжилгээ өгөх болсон гэхээр бие арзайгаад, гар, булчингаар янгинаж байсан. Би Баянзүрх дүүргийн Засаг дарга, олон мянган алба хаагчийн нэгний хувьд халдвар ямар шинж тэмдэгээр илэрдэг гэдгийг мэднэ. Хамгийн түрүүнд өөрийгөө гэр бүлээсээ тусгаарласан.

Эхний шинжилгээ сөрөг гарсан учир түргэвчилсэн шинжилгээ өгсөн. Би өөрийгөө мэдэж байгаа учраас энэ сарын 13-нд дахин шинжилгээ өгсөн. Улмаар 14-нд батлагдаж, ХӨСҮТ-д хэвтэж байна.

Миний бие дүүрэг толгойлж, олон мянган алба хаагчтай хамтарч зүтгэж байгаагийн хувьд иргэддээ хандан мэдээлэл хийж байна. Учир нь мэдээлэл ил тод байх ёстой.  Би халдвар авлаа гэхэд миний эргэн тойронд хэн байсан, манай гэр хаана байдаг зэргээс иргэд сэргэмжлэх юм. Өвчин хэлж ирдэггүй, хийсэж ирдэг учраас нуугаад байх шаардлагагүй. Миний хувьд маш их маск зүүж, гараа ариутгаж, халдвар хамгааллынхаа дэглэмийг сахиж явсан. Харин хаана алдаа хийв гэдгээ одоо бодож байна. нийгмийн харилцаа өндөр албан тушаал, хүнтэй их уулздаг. Сая хөл хорио тогтоосон нь зөв боллоо гэж харж байна. Тогтоогоогүй байсан бол надтай хэчнээн хүн уулзаж, хэчнээн хүнд халдвараа тараах байсан бол мэдэхгүй шүү дээ.

Одоо ичиж зоволгүй ил тод байхгүй бол болохгүй нь. Хамгийн гол нь өөрсдийгө сайтар хамгаалах шаардлагатай байна. манай гэр бүлийн хувьд шинжилгээгээ өгч байгаа. Эхний шинжилгээгээр сөрөг гарсан. Миний хувьд витамин С, D ууж байсан. Эмч та эдгээрийг ууж байсан нь харьцангуй дархлааг чинь дэмжиж өгчээ гэж хэлсэн. Тиймээс витамин C, D сайн ууж байх хэрэгтэй" гэлээ.

А.Сүх