Бусдын эрүүл мэндэд хүнд хохирол учруулсан хэргээр яллагдагчаар татагдаад буй МҮОХ-ны ерөнхийлөгч Н.Түвшинбаяр "Ковид-19"-ийн халдвар авсан нь батлагджээ.
Тодруулбал, багын найз, улсын начин Э.Энхбатыгаа хэрцийгээр зодож, хүндээр гэмтээсэн хэрэгт нь түүнийг ШШГЕГ-ын харьяа Цагдан хорих 409 дүгээр ангид саатуулан шалгаж байгаа билээ. Тэрбээр өдгөө 409 дүгээр хаалттай хорих ангийн эмнэлэгт хэвтэн эмчлүүлж байгаа ба 30 хоригдогсдоос ийнхүү коронавирусний халдвар илэрчээ. Хаалттай 409 дүгээр ангид ШШГЕГ-ын харьяа хорих 461 дүгээр ангийн нэг хэсэгт байрладаг, шүүх хурлаа, мөн шүүхээс ял сонсоод тогтоолоо хүлээж байгаа хүмүүсийг түр саатуулдаг байна.
Өмнө нь тус хорих ангийн 70 хүнээс коронавирусний халдвар идэрч, 30-ийг нь хэвтэн эмчлүүлж, харин ойрын болон дам хавьтлын үлдсэн хүмүүсийг нь тусгаарлан эмчилгээ хийж байгаа талаар мэдээлж байсан билээ. Сэжигтнээр саатуулаад байсан М гэгчээс анх халдвар илэрсэн ба тэрбээр хоригдож байх хугацаандаа өмгөөлөгчтэйгээ шүүх хуралдаанд оролцсон байдаг. Тиймээс өмгөөлөгч нь хүртэл халдвар авсан аж. ШШГЕГ-ынхан бидэнд эм тариа, тоног төхөөрөмж, эмч нарын баг гээд бололцоотой бүхэн байгаа учраас халдвар авсан хүмүүсийг гадагш зөөвөрлөх шаардлагагүй хэмээж байсан юм. Харин энэ удаагийн байдлаас харвал, өдгөө тус хорих ангид халдварын голомт байсаар байгааг харуулж байна.
У.Тэргэл
Сэтгэгдэл (6)