Монгол Улсын хэмжээнд уушги орлуулах ECMO /Extracorporeal membrane oxygenation/ аппарат Улсын нэгдүгээр төв эмнэлэгт ганцхан ширхэг байдаг тухай өмнө мэдээлж байсан. Хотын төвд зөөврийн устай усан оргилуурыг 3,2 тэрбумаар барьсан атлаа 750 саяын үнэтэй уушги орлуулах аппаратыг авч чадахгүй төр, засгийг иргэд буруутгаж байсан билээ. Харин дахин нэг аппаратыг саяхнаас  Цэргийн төв эмнэлэгт ашиглаж эхэлсэн талаар ЭМЯ-ны Эмнэлгийн тусламжийн бодлого, хэрэгжилтийг зохицуулах газрын дарга Б.Буянтогтох хэллээ.

Бас нэгэн таатай мэдээ бол, дөрөвдүгээр сарын сүүлээр уушги орлуулах дахин нэн аппаратыг оруулж ирэхээр болсон байна. Ингэснээр Монгол Улс цар тахлын энэ үед нэн шаардлагатай, хэрэгцээтэй уушги орлуулах гурван ЕСМО аппараттай болж байна.

Коронавирусний халдвар уушгийг гэмтээж, цусыг хүний биед хүрэлцэх хэмжээний хүчилтөрөгчөөр баяжуулж шахаж чадахгүйд хүрдэг байна. Ингэснээр уушги бүрэн ажиллагаагүй болж энэ үед уушги орлуулах ЕCMO аппаратад оруулах шаардлагатай болдог байна.

У.Тэргэл