“Гацуурт” ХХК-ийн гүйцэтгэх захирал Л.Чинбатыг цагдаагийн газраас эрэн сурвалжилж буй. Түүнийг мөрдөн шалгах ажиллагааны явцад оршин суугаа газраа өөрчилсөн талаараа мэдэгдээгүй, холөоо барих утасны дугаар руу залгахаар дуудлагад хариу өгөхгүй эрүүгийн хэрэг хянан шийдвэрлэх ажиллагаанд саад учруулахгүй байх үүргээ биелүүлээгүй таслан сэргийлэх арга хэмжээг зөрчсөн гэсэн юм.
Тэгвэл тэрбээр өөрийн цахим хуудастаа “Намайг цагдаагаас эрэн сурвалжилж эхэллээ гэжээ. Хаврын тариалалтын бэлтгэл ажлаар Сэлэнгэ аймгийн Цагааннуур суманд ажиллаж байна аа. Эрүүгийн Цагдаагийн газраас надад нэг ч удаа өөрт мэдэгдээгүй, мөн манай өмгөөлөгчид 2021 оны дөрөвдүгээр сарын 26-ны өдөр намайг дуудан ирүүлэх бичиг өгчихөөд уг өдөр болоогүй байхад оргодол мэт улс орон даяар зарлаж, эрэн сурвалжиллаа.
Урамшууллын мөнгө илүү авсан хэргээр 5 дахь жилдээ шалгагдаж байна. “Гацуурт” ХХК-ийг үүсгэн байгуулж, сүүлийн 20 гаруй жил газар тариалангийн салбарт үйл ажиллагаа явуулахдаа хавар, зун, намартаа өглөө 05.00 цагаас шөнийн 00.00 цаг хүртэл тариан талбай дээр ажиллаж өнждөг.
Тариалан эрхлэлтийг дэмжих сантай 4 удаа урамшууллын мөнгөний асуудлаар тооцоо нийлээд өглөг, авлагагүй болохоо баталгаажуулсан актууд, урамшууллын мөнгөтэй холбоотой санхүүгийн баримтуудыг үзээд та бүхэн дор бүрнээ дүгнэлтээ хийнэ биз ээ.
Хууль хяналтын байгууллагын дарамт шахалтанд манай улсад шударгаар хөдөлмөрлөж, ажиллаж амьдрахад үнэхээр хэцүү болжээ. Одоо бол маш их туйлдаж байна” гэжээ.
Сэтгэгдэл (7)