Халдварын тоо өдрөөс өдөрт нэмэгдэж хоёр өдөр дараалан 1000 давсан нь хөл хорио тогтоочихоод байхад хаанаас ингэж илрээд байна гэдэг эргэлзээ иргэдэд бий болгоод буй. Нас баралт өнөөдөр таваар нэмэгдэж 49 боллоо. Өөрөөр хэлбэл, тохиолдлын тоо нэмэгдэх тусам хүнд өвчтөний тоо ихэсч, үүнийг дагаад нас барах эрсдэл ч өндөр байна.

Эрүүл мэндийн байгууллага, төр, засгаас иргэдээ гэртээ байгаач гэж уриалж буй бол иргэдийн зүгээс хөл хорио чинь ямар ч үр дүнгүй болж байна. Хий дэмий цаг гарздаж байна хэмээн шүүмжилж буй. Үнэхээр хөл хорио үр дүнгүй байгааг өчигдрийн үйл явдал харууллаа. Бас эрх мэдэлтнүүдэд,  энгийн иргэдэд  хөл хорио хэрхэн үйлчилж байгааг шалгаад өглөө.

Тодруулбал, өчигдөр шөнө Хан-Уул дүүргийн орчим УИХ-ын гишүүн Б.Пүрэвдорж согтуугаар тэврийн хэрэгсэл жолоодож байгаад осолдов.

Нөгөө хөл хорионы дэглэм хаана байна.

Түүнчлэн ХӨСҮТ-ийн улаан бүс рүү Шадар сайдын гэргий “ногоон гэрэл”-ээр нэвтрээд гарсан. Арын хаалгадаж, улаан бүс рүү орсон юм бол ядаж нөхрийнхөө хийж буй ажилд хүндэтгэлтэй хандаж, гэртээ өөрийгөө тусгаарлаж болно доо. Даанч тийм ухамсар, ёс зүй байсангүй.  Шадар сайд С.Амарсайхан ч гэргийдээ учирлаж хэлээгүйн дээр өөрийнхөө гаргасан шийдвэрийг өөрөө үгүйсгэдэг. Ийм л үйл явдал болж өнгөрсөн. Тэдэнд хөл хорио энэ тэр юу ч үйлчлэхгүй бололтой.

А.Сүх