Коронавирусний эсрэг Вероселл вакцины хоёрдахь тунгаа хийлгэх гэсэн иргэдийн бөөгнөрөл  үүсч, бухимдал дээд цэгтээ хүрчээ. Хоёрдахь тунг хийлгэх хугацаа хожимдсон ч  амжиж хийлгэн, дархлаатай болох гэсэн иргэдийг буруутгах аргагүй.  Харин зохион байгуулалт үнэхээр муу байгаад иргэд ийнхүү бухимдалтай байна. Тодруулбал, Баянзүрх дүүргийн 84 дүгээр сургууль дээр иргэд 08 цагаас эхлэн дугаарласан ч эмх замбараагүй байдал үүсч, аргагүй эрхэнд цагдаагийн байгууллагын тусламж авчээ. Тэнд хүн хоорондын зай барих байтугай  бие бие дээрээ гишгэлэх шахам дайрцгааж байна.

Өглөөнөөс хойш дугаарласан иргэд  үдээс хойш гэхэд чихэлцэн байж орон вакцинаа тариулж байна.  Угтаа бол, иргэдээ бүрэн вакцинжуулна хэмээн хатуу хөл хориог 14 хоногийн хугацаатай тогтоосон. Өдгөө юун хөл хорио. Харин ч вакциныхаа хоёрдахь тунг тариулж дархлаатай болох гэсэн иргэд эсрэгээрээ дахин халдвар авах нөхцөл энд бүрджээ.

У.Тэргэл