Хатуу хөл хорио энэ сарын 25-нд дуусах тул цаашид хөл хориог сунгах эсэх асуудлаар УОК 10.00 цагаас хуралдсан бөгөөд  энэ үеэр ЭМЯ-наас “Covid-19”-ийн нөхцөл байдлын талаарх мэдээллийг танилцуулсан байна. Энэ дагуу УОК шийдвэр гаргаж, хөл хориог тавдугаар сарын 7-ныг хүртэл сунгахыг дэмжлээ.

Халдварын тархалт өнгөрсөн өдрүүдэд буурахгүй байгаа учраас дахин 14 хоногоор хөл хориог сунгах шаардлагатай гэсэн саналыг ЭМЯ-наас оруулсан.  Хэрэв хөл хориог цуцалж, иргэд хэвийн амьдралдаа орвол тавдугаар сарын сүүлч гэхэд халдварын тохиолдол өдөрт 1400-д хүрэх, харин хөл хориог тавдугаар сарын 9-нийг хүртэл сунгавал халдварын тоо өдөрт 500-600 болж буурна хэмээж байгаа.

УИХ-ын гишүүн С.Одонтуяа цар тахлын нөхцөл байдалтай холбоотой мэдээллийг гишүүдэд танилцуулахыг УОК болоод  Ерөнхий сайдаас хүссэн. Энэ дагуу өнөөдрийн УИХ-ын чуулганаар хэлэлцэх асуудлын дараалалд оруулж,  16.00 цагаас энэ талын мэдээллийг  өгөхөөр болсон юм.

У.Тэргэл