Шударга өрсөлдөөн, хэрэглэгчийн төлөө газраас 2021 оны 04 дүгээр сарын 25-ны өдөр Улаанбаатар хотын 6 дүүрэгт 3 ажлын хэсэг, 6 улсын байцаагч нийт 34 зах, хүнсний дэлгүүр, худалдааны төв, Сүхбаатар, Баянгол дүүргийн 3 эмийн санд хяналт шалгалт хийж ажиллажээ.
2021 оны 04 дүгээр сарын 24-ний өдрийн 07 цагаас 04 дүгээр сарын 25-ны өдрийн 07 цагийн хооронд УБ хот руу орон нутгаас МЭХЦХЦ-ээр 88.76 тн мах шалгагдаж нэвтэрснээс 36.46 тн нь худалдааны зориулалтаар, 0.2 тн нь хувийн хэрэгцээнд, 27.1 тн нь нөөцөд, 25.0 тн нь экспортод зориулж нийлүүлэгдсэн бөгөөд нядалгааны зориулалтаар амьд мал 109 нэвтэрсэн байна.
“Хүчит Шонхор” зах дээр 2021 оны 04 дүгээр сарын 25-ны өглөөний 09:00 цагийн байдлаар жижиглэнгийн худалдааны үхрийн ястай мах 13000-14000, цул мах 14000-16000, гуяны цул 16500 (13 тн), хонины ястай мах 10500-11500, цул мах 11000-12500 (15 тн), адууны ястай 11500-12500, цул мах 11500-12500 (3.5 тн), ямааны ястай 10500-11000, цул мах 10500-11000 (1 тн), тэмээний цул мах 9000 (2.2 тн) төгрөгийн үнэтэй байна.
Бөөний худалдаанд үхрийн мах 8000-13000, хонины мах 8000-11500, адууны мах 8000-10000, ямааны мах 7500-8800, тэмээний мах 5000-6000 төгрөгийн үнэтэй байна.
Махны нийлүүлэлт өмнөх өдрөөс 3.3 тонноор буурч нийт 34.7 тн мах нийлүүлсэн байна.
Хяналт шалгалтад нийт 3 эмийн сан хамрагдсан. Хяналт шалгалтад хамрагдсан эмийн сангуудад нэг удаагийн амны хаалтны үнэ 100-200 төгрөг, гар ариутгагч шингэн /30 мл-1000 мл/ 1500-25000 төгрөг, спирт савлагааны хэмжээ, үйлдвэрлэгчээс хамаараан 1500-2300 төгрөг, дархлаажуулагч бүтээгдэхүүний хувьд Солонгос витамин С /1000-тай/ ширхэг нь 500 төгрөг, витамин Д мөн үйлдвэрлэсэн улс, тунгаас хамааран 170-700 төгрөгөөр тус тус худалдаалж байна.
Нэг удаагийн амны хаалт, гар ариутгагч шинэгэн, спиртны нөөц хангалттай, үнэ тогтвортой байна. Дархлаажуулагч бүтээгдэхүүний хувьд витамин С нийлүүлэлт багасаж, өдөр өдөртөө бага хэмжээгээр авч худалдаалж байна.
Хяналт шалгалтын явцад авсан арга хэмжээ:
Цахим орчинд иргэний байрлуулсан мэдээллийн дагуу “Үлэмж гросерс” ХХК-ийн Хан-Уулд үүрэгт байрлах “Гүүд прайс-3” сүлжээ дэлгүүрт зарагддаг коксны гурилны хаяг шошгоны мэдээллийг тус албарын хяналтын ажилтнаас авч, 2021.04.26-ны өдөр тайлбар мэдээллийг албан бичгээр ШӨХТГ-т хүргүүлэхийг даалгасан.
Хан-Уул дүүрэгт байрлах Органик маркет захын махны лангуун дээр хонины цул махыг 14500 төгрөгөөс 13500 төгрөг болгож 1000 төгрөгөөр буулгаж худалдаалахыг шаардаж ажиллалаа.
Хан-Уул дүүрэгт байрлах Яармаг худалдааны төвд худалдаалж байсан монгол сонгино өмнөх өдрийн үнээс 200 төгрөгөөр нэмж 5000 төгрөгөөр худалдаалж байсныг улсын байцаагчийн шаардлага тавьж 4800 төгрөг болгож буулгасан.
Баянзүрх дүүрэгт байрлах Мөнх худалдааны төвийн хүнсний ногоо, махны лангуунуудад бараа бүтээгдэхүүний үнийн мэдээлэл байршуулах улсын байцаагчийн шаардлага тавьсан.
Хяналт шалгалтад хамрагдсан нийт 34 зах, худалдааны төвийн 15 нь адууны мах, 29 нь ямааны мах, 20 нь өндөг огт худалдаалаагүй байна. Үүнээс Чингэлтэй дүүргийн Нарантуул-2 худалдааны төв, Баянгол дүүргийн Барс-2 зах, Сүхбаатар дүүргийн Бүрэн плаза худалдааны төвүүдэд монгол жижиг /залуу тахианы/ өндөгийг 350-380 төгрөгөөр худалдаалж байна. Бусад хүнсний өргөн хэрэглээний бараа бүтээгдэхүүний нөөц хангалттай, үнэ тогтвортой байна.
Эх сурвалж: ШУДАРГА ӨРСӨЛДӨӨН, ХЭРЭГЛЭГЧИЙН ТӨЛӨӨ ГАЗАР
