Баянзүрх дүүргийн Засаг дарга Н.Баярмөнх корогавирусний халдвар ав ХӨСҮТ-д хэвтэн эмлүүлж байга талаар бид өмнө нь мэдээлж байсан. Тэгвэл тэрбээр эдгэрч, эмнэлгээс гарсан бөгөөд ажилдаа оржээ.

Тэрбээр "Коронавирусний эерэг тохиолдлуудын нэг болж ХӨСҮТ-д хэвтэн эмчлүүлж эсрэг биетийн дархлаа тогтож дүүргийнхээ сайн сайхны төлөөх ажилд ханцуй шамлан орлоо.

Бидэнд хийх ажил их байна.

Коронавирусний батлагдсан тохиолдол 1000-аас буухгүй байгааг та бүхэн мэдэж байгаа. Их илэрч байгаагийн хэрээр ч их эмчлэгдэж байгааг энд дурьдах нь зүйтэй. Гэхдээ орон нутгийн байгууллага бол Коронавирус цар тахлын тохиолдлын цар хүрээг хумих, цаашлаад иргэдээ хяналтад байлгаж, эрүүл мэнд, аюулгүй байдлынх нь төлөө ажилладаг.

Тиймээс ажилдаа орсон даруйдаа дараах төлөвлөгөөг боловсруулан хэлэлцэж байна. Үүнд:

1. Дүүргийн хэмжээнд коронавирусний батлагдсан тохиолдлыг хөнгөн, хүнд хэлбэрээр ялгаж гэрээр эмчилгээ хийлгэж байгаа иргэдийг бүрэн хяналтад авах, тухайн иргэнд шаардлагатай хүнс, дархлаажуулалтын дэмжлэг үзүүлж, эргэх холбоотой ажиллах

2. Дархлаажуулалтын эхний тунг хийлгээгүй иргэдээ яаралтай дархлаажуулж, болзошгүй эрсдлээс урьдчилан сэргийлэх зорилгоор шаардлагатай эмнэлгийн тусламж, ор, тоног төхөөрөмжийг бэлтгэх

3. Эрдэмтэн, судлаачдын хэлж буйгаар Коронавирусний халдвар нь битүү орчинд тархах өндөр эрсдэлтэй. Тиймээс төрийн үйлчилгээг иргэдэд зогсолтгүй хүргэх зорилгоор тодорхой хэлтсийг Засаг даргын тамгын газрын гадна байрлуулахаар төлөвлөгөө боловсруулан холбогдох мэргэжлийн байгууллага, дээд шатны байгууллагатай хэлэлцэж байна.

Миний бие коронавируст халдвар авч эдгэрсэн хүмүүсийн нэг, мөн Баянзүрх дүүргийн 360 гаруй мянган иргэний эрүүл мэнд, аюулгүй байдлын төлөө ажиллаж байгаа хүний хувьд дүүргийнхээ нэг ч болов иргэний амь насыг аймшигт цар тахалд алдахгүйн төлөө бүхий л чадлаараа хичээж ажиллах болно!" гэлээ.