Мутацад орсон вирус тархаж, нөхцөл байдал хүндэрч байгаа Энэтхэг улсаас 60 иргэн ирснийг Дорноговь аймагт тусгаарлаад байгаа юм. Тэд энэ сарын 25-26-ныг шилжих шөнө Нью-Дели-Улаанбаатар чиглэлийн тусгай үүргийн нислэгээр ирсэн ба Энэтхэг улсын нарийн мэргэжлийн техник инженерийн ажилтнууд юм.

Энэтхэг улсаас ирсэн иргэдийг Дорноговь аймгийн Алтанширээтэд тусгаарласан бөгөөд тэднээс шинжилгээ авахад 19-өөс нь халдвар илэрсэн талаар Эрүүл яам өнөөдөр мэдээллээ. Тэдний 18-ыг нь Дорноговьд, нэгийг нь Улаанбаатарт одоогоор тусгаарлан эмчилгээг эхлүүлжээ.

У.Тэргэл