Эрүүл мэндийн яам коронавирусний талаарх ээлжит мэдээллээ хийж байна.
Эрүүл мэндийн яамны хэвлэлийн төлөөлөгч Б.Ууганбаяр "Сүүлийн 24 цагийн хугацаанд буюу 2021 оны тавдугаар сарын 7-ны өдөр нийт 9168 мянган хүнд ПСР шинжилгээ хийхэд 815 хүнээс халдвар илэрлээ. Эдгээрийн 711 тохиолдол нь Улаанбаатар хотод бүртгэгдсэн бол 5 тохиолдол нь эмнэлгээс шалтгаалах халдвар байна. Ингээд нийслэлд бүртгэгдсэн тохиолдол 38588 боллоо.
Харин 99 тохиолдол нь орон нутагт бүртгэгдлээ. Тодруулбал, Дархан 5, Орхон 16, Төв 4, Говьсүмбэр 1, Дорноговь 1, Дорнод 1, Өвөрхангай 1, Говь-Алтай 40, Завхан 24, Булган 3, Хэнтий 3 тохиолдол бүртгэгдсэн байна.
Нэг харамсалтай мэдээ дуулгахад өнгөрсөн 24 цагт долоон хүн нас барлаа. Коронавирусний шалтгаант нас баралт 160 боллоо.
1451 хүн эдгэрч эмнэлгээс гарсан байна. Ингээд эдгэрсэн хүмүүсийн тоо 29984 боллоо.
Одоогоор 4910 хүн эмнэлэгт хэвтэн эмчлүүлж байгаагаас биеийн байдал, маш хүнд-119, хүнд-2458, хүндэвтэр-1515, хөнгөн-2818 хүн байна.
Тохиолдлын тоо нэмэгдэхийн хэрээр хүнд маш хүнд хүний тоо нэмэгдсээр байгаа учир иргэд та бүхэн халдвар хамгааллын дэглэмээ баримталж, амны хаалтаа давхарлан зүүх, гараа халдваргүйжүүлэх, олон хүнтэй газраар явахгүй байх зэргээр өөрийгөө болон хайртай дотны хүмүүсээ хамгаалаарай.
Б.Баатар
