Ерөнхий сайд Л.Оюун-Эрдэнэ Засгийн газрын 100 хоногт хийсэн ажлын тайланг танилцуулах үеэр Цахим хөгжлийн дөрвөн багц хууль өргөн барьж буй талаар мэдээлэл өглөө.
Тэрбээр "Цахим хөгжлийн дөрвөн багц хууль өргөн барина. Ажлын хэсгийг Хууль зүй, дотоод хэргийн сайд Х.Нямбаатар ахалж байгаа. Энэ хуулийг баталбал иргэд цахим гарын үсэгтэй болно. Мөн хувь хүний мэдээлэлтэй холбоотой хууль эрх зүйн боломж бүрдэнэ.
Тодруулбал, таны мэдээлэл рүү төр нэвтрэх боломжгүй болно гэсэн үг. Хэрвээ нэвтрэх гэж оролдвол таны имэйл хаягаар сигнал очно. Мөн төрийн серверүүдийг хувийнхтай холбосноор та 10 оронтой нэг кодтой болно. Регистрийн болон жолооны үнэмлэхийн, эрүүл мэндийн даатгалын гэрчилгээний дугаар байхгүй болох юм” гэлээ.
У.Тэргэл
