Эрүүл мэндийн яам коронавирусний талаарх ээлжит мэдээллээ хийж байна. 

Эрүүл мэндийн яамны хэвлэлийн төлөөлөгч Б.Ууганбаяр "Сүүлийн 24 цагийн хугацаанд буюу 2021 оны тавдугаар сарын 13-ны өдөр 7419 хүн шинжилгээ хийхэд  515 хүнээс халдвар илэрлээ. Эдгээрийн 472 тохиолдол нь Улаанбаатар хотод бүртгэгдсэн. Ингээд Монгол Улсад нийт батлагдсан тохилолдол 47548 боллоо. 

Харин 43 тохиолдол нь орон нутагт бүртгэгдлээ. Тодруулбал, Дархан 2, Орхон 12,  Төв 11, Булган 1, Сэлэнгэ 4, Хэнтий 3, Завхан 1, Баян-Өлгий 1,  Увс 1, Говь-Алтай 4, Өвөрхангай 3, тохиолдол бүртгэгдсэн байна. 

Нэг харамсалтай мэдээ дуулгахад өнгөрсөн 24 цагт долоон хүн нас барлаа. Коронавирусний шалтгаант нас баралт 200 боллоо. 

1049 хүн эдгэрч эмнэлгээс гарсан байна. Ингээд эдгэрсэн хүмүүсийн тоо  38330 боллоо. 

Одоогоор 4434 хүн эмнэлэгт хэвтэн эмчлүүлж байгаагаас биеийн байдал, маш хүнд-120, хүнд-512, хүндэвтэр-1454, хөнгөн-2348 хүн байна. 

Тохиолдлын тоо нэмэгдэхийн хэрээр хүнд маш хүнд хүний тоо нэмэгдсээр байгаа учир иргэд та бүхэн халдвар хамгааллын дэглэмээ баримталж, амны хаалтаа давхарлан зүүх, гараа халдваргүйжүүлэх, олон хүнтэй газраар явахгүй байх зэргээр өөрийгөө болон хайртай дотны хүмүүсээ хамгаалаарай.

Б.Баатар