Төр нийгмийн нэрт зүтгэлтэн С.Зориг агсны амь насыг бүрэлгэсэн хэргийг ял эдлэж байсан  Ц.Амгаланбаатар, Т.Чимгээ, Б.Содномдаржаа нарт холбогдох хэргийг прокурорын  дүгнэлтийг үндэслэн өнөөдөр хянан хэлэлцэж, Т.Чимгээ, Б.Содномдаржаа нарыг батлан даалтад гаргахаар болсон. 

Тэгвэл яг одоо тэднийг гаргаж авахаар гэр бүлийнхэн нь болоод сэтгүүлчид Хорих 401 дүгээр ангийн эмнэлгийн гадна хүлээж байна.

Б.Содномдаржаагийн ээж Б.Жавзмаа "Миний хүүг долоон жил хэлмэгдүүлэн хорьсонд эх хүний хувьд өдөр бүр шаналж, зовж байлаа. Энэ хугацаанд өдөр бүр хүүгээ буруугүй гэдгийг нотлох гэж хичээж явсан. Үнэхээр үнэн мөн гэж байдаг юм байна. Үнэнээр явбал үхэр тэргээр туулай гүйцэнэ гэдэг үг үнэн юм байна. Хүүгээ гаргаж авахаар хорих ангийн эмнэлгийн гадна хүлээж байгаадаа үнэхээр их баярлаж байна. Үнэн гэж байдагт итгэж, төр засагтаа баярлаж байна. Төр засаг өөр болж, сайхан залуучууд шударга үнэний төлө явж байгаад баярлаж байна. Засгийн газрын тэргүүн Л.Оюун-Эрдэнэ, ХЗДХ-ийн сайд Ц.Нямбаатар, ЗГХЭГ-ын дарга Ц.Нямдорж сайд нарт үнэхээр их баярлаж байна. Ц.Нямдорж сайд үнэхээр зургаан жил үнэний төлөө зүтгэсэн. Мөн ард түмэн, сэтгүүлч нартаа баярлаж байгаагаа хэлмээр байна. Хүүгээ өнөөдөр гарах байх гэж бодоод зохих ёсны шинжилгээг нь өгөөд Улаанбаатар хотод ирсэн. Би Тагнуулын байгууллагад үнэхээр их гомдож явдаг. Миний хүүгийн долоо хүүхэд өнөөдрийг хүртэл аавыгаа хүлээж бүлтэлцэж байсан. Хүү минь 1998 онд Улаанбаатар хотод орж ирж ч үзээгүй хүүхэд байсан. Ард түмэн бүхнийг харлаа" гэлээ. 

Б.Баатар