ШШГЕГ-ын харьяа 401 дүгээр ангийн нэгдсэн эмнэлэгт эмчлүүлж байсан Т.Чимгээ, Б.Содномдаржаа нарыг батлан даалтад гаргалаа. Тэднийг суллах үед ар гэрийнхэн нь болоод хэвлэл мэдээллийнхэн эмнэлгийн гадна хүлээж байсан юм. Энэ үеэр Б.Содномдаржаа "Ард түмэндээ баярлалаа" гэх үгээс өөр зүйл хэлж, мэдээлэл өгсөнгүй.

Харин Т.Чимгээгийн ах Т.Хүрэлбат "Өнөөдөр шүүх хурал шударга явагдаж, дүү минь суллагдлаа. Ц.Нямдорж, Х.Нямбаатар нарт баярлалаа. Мөн өмөөлөгч Оюунцэцэгтээ маш их баярлаж байна. Бүх баримтыг ил болгоосой гэж хүсэж байна. Бид үнэхээр гомдолтой байгаа. Гэхдээ энэ бүхний үнэн мөн удахгүй тогтоогдох байхаа. Дүүтэйгээ зургаан жилийн дараа нүүр тулж уулзаад үнэхээр их баярлаж байна. Дүү минь ард түмэндээ баярлалаа гэдэг үгийг дайсан. Мөн 401 дүгээр хорих ангийн эмнэлгийн эмч, ажилчидад баярлаж байгаагаа хэлсэн" гэв. 

Дашрамд өгүүлэхэд хэргийг прокурорт очтол Т.Чимгээ, Б.Содномдаржаа нарт хувийн баталгаа гаргах таслан сэргийлэх арга хэмжээ авахаар шийдвэрлэж, Ц.Амгаланбаатар нь өөр хэрэгт хорих ял шийтгүүлсэн шүүхийн хүчин төгөлдөр тогтоол байгаа юм байна.

Б.Баатар