Монгол Улс “Гэр бүлийн өдөр”-ийг 18 дахь жилдээ тэмдэглэж байна

2021-5-15

НҮБ-ын Ерөнхий ассамблейн шийдвэрээр 1994 оноос жил бүрийн тавдугаар сарын 15-ны өдрийг “Гэр бүлийн өдөр” болгон тэмдэглэх тогтоол гаргажээ. Монгол Улс энэхүү хөдөлгөөнд 2003 оноос нэгдэж, эдүгээ 18 дахь удаагаа тэмдэглэж байна.

Жил бүр дэлхий нийтээрээ гэр бүлд тулгамдаж байгаа асуудлаар хэлэлцүүлэг хийдэг бөгөөд 2021 онд "Гэр бүлийн харилцаанд технологийн шинэчлэлийн эерэг, сөрөг нөлөөлөл" сэдвийн хүрээнд тэмдэглэлт өдрийн арга хэмжээ зохион байгуулж байна.

Цахим орчин, ухаалаг утас, компьютер тоглоом, шинэ программууд зэрэг нь бидний амьдралд олон шинэ өөрчлөлт, мэдлэг өгч байгаа ч, түүнд олон цагаар ажиллаж сурах нь цахим донтолтод хүргэх улмаар эрүүл мэнд, гэр бүлийн гишүүдийн харилцаанд сөргөөр нөлөөлж байгаа юм.

“Ковид-19” цар тахлын нөлөөгөөр иргэдийн ажил, амьдралын орчин, хэв маяг өөрчлөгдөж, дижитал технологийн хэрэглээ чухал үүрэгтэй болсон энэ үед бид гэр бүлийн хүчирхийллээс урьдчилан сэргийлэх, дулаан уур амьсгалыг бүрдүүлэх зорилгоор иргэдэд гэр бүлийн боловсрол олгох, гэр бүлийн хүчирхийллээс урьдчилан сэргийлэх, таслан зогсооход чиглэсэн нийгэм, сэтгэл зүйн зөвлөгөө, сургалтын видео контент, постер зэрэг мэдээ мэдээллийг цахимаар хүргэж байгаа аж.

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.