Эрүүл мэндийн яам коронавирусний талаарх ээлжит мэдээллээ хийж байна.
Эрүүл мэндийн яамны хэвлэлийн төлөөлөгч Б.Ууганбаяр "Сүүлийн 24 цагийн хугацаанд буюу 2021 оны тавдугаар сарын 16-ны өдөр 533 хүнээс халдвар илэрлээ. Эдгээрийн 490 тохиолдол нь Улаанбаатар хотод бүртгэгдсэн бол зургаан тохиолдол нь эрүүл мэндийн ажилчидаас халдвар илэрсэн байна. Ингээд Монгол Улсад нийт батлагдсан тохилолдол 49175 боллоо.
Харин 37 тохиолдол нь орон нутагт бүртгэгдлээ. Тодруулбал, Төв 25, Орхон 1, Архангай 2, Говь-Алтай 2, Өвөрхангай 4, Завхан 2, Ховд 1 тохиолдол бүртгэгдсэн байна.
Нэг харамсалтай мэдээ дуулгахад өнгөрсөн 24 цагт долоон хүн нас барлаа. Коронавирусний шалтгаант нас баралт 214 боллоо.
1065 хүн эдгэрч эмнэлгээс гарсан байна. Ингээд эдгэрсэн хүмүүсийн тоо 41844 боллоо.
Одоогоор 4087 хүн эмнэлэгт хэвтэн эмчлүүлж байгаагаас биеийн байдал, маш хүнд-115, хүнд-494, хүндэвтэр-1378, хөнгөн-2100 хүн байна.
Тохиолдлын тоо нэмэгдэхийн хэрээр хүнд маш хүнд хүний тоо нэмэгдсээр байгаа учир иргэд та бүхэн халдвар хамгааллын дэглэмээ баримталж, амны хаалтаа давхарлан зүүх, гараа халдваргүйжүүлэх, олон хүнтэй газраар явахгүй байх зэргээр өөрийгөө болон хайртай дотны хүмүүсээ хамгаалаарай.
Б.Баатар
