Нийслэлийн удирдах ажилтнуудын шуурхай зөвлөгөөн өнөөдөр болж, PCR шинжилгээний цэгүүдийг цэцэрлэг рүү шилжүүлж буй талаар НЭМГ-ын дарга Б.Бямбадорж мэдээлэл өглөө.
Тэрбээр “Өнгөрсөн амралтын өдрүүдэд коронавирусний халдварын нийт 1001 тохиолдол шинээр бүртгэгдэж, долоон хүн нас барсан. Ингэснээр нийт барсан хүний тоо 214 болоод байна. Тусгаарлах байранд 3009, ойрын хавьтал болон тусгаарлаж байгаа 8431 хүн байна.
Эдгээрээс 240 хүн халдвар авсныг баталсан. Өнөөдөр дархлаажуулалтын суурин 47, явуулын 10 цэгт 91 багийн 644 эмч, ажилтан ажиллаж, 34,022 хүнийг дархлаажуулахаар төлөвлөсөн. PCR шинжилгээний байнгын болон явуулын зургаан цэг ажиллаж байгаа. Эдгээр цэгүүд сургууль дээр байрлаж байсныг цэцэрлэг рүү шилжүүлсэн” гэлээ.
