Н.Түвшинбаярт аваргад зодуулж хүнд гэмтэл авсан Улсын начин Э.Энхбатыг ухаан орсон гэх мэдээлэл өнөөдөр цацагдсан.

Энэ талаар Э.Энхбат начины гэргий Б.Нандинцэцэгийн найз цахим хуудаснаа ийн мэдээлжээ. Тэрбээр "Э.Энхбат ухаан орсон нь үнэн. Гэхдээ ямар ч ярих, хөл гар нь хөдлөж байгаа зүйл байхгүй. Тархины гол багана гэмтэлтэй байгаа. Энэ ухаан ороод сайжраад бгаа гээд жиргээд бгаа хүмүүс хаанаас мэдээлэл аваад бдгийн болдоо. Хүний эрүүл мэнд шүү. Би эхнэрээс мэдээлэл авсан. Хурдан эдгээрэй. Э.Энхбатын яг хажууд байгаа хүнийх нь мэдээлэлд итгээсэй гэж хүсэж бна. Гол багана нь бүх зүйлээ удирддаг тархины зүрх юм байна лээ. Нэг гэмтвэл дахин сэргэж боломжгүй гэнэ" хэмээсэн байна. 

Дашрамд өгүүлэхэд, Хан-Уул дүүргийн Эрүүгийн хэргийн анхан шатны шүүхээс Н.Түвшинбаярыг ШШГЕГ-ын харъяа 407 дугаар хорих ангид 30 хоног цагдан хорихоор шийдвэрлэсэн бөгөөд улмаар уг шийдвэрээ 15 хоногоор сунгаад байгаа. Түүнийг цагдан хорих хугацаа маргааш дуусах юм. 

Б.Баатар