Эрүүл мэндийн яам коронавирусний талаарх ээлжит мэдээллээ хийж байна. 

Эрүүл мэндийн яамны хэвлэлийн төлөөлөгч Б.Ууганбаяр "Сүүлийн 24 цагийн хугацаанд буюу 2021 оны тавдугаар сарын 19-ны өдөр 8,133 шинжилгээ хийхэд 519 хүнээс халдвар илэрлээ. Эдгээрийн 461 тохиолдол нь Улаанбаатар хотод бүртгэгдсэн бол таван тохиолдол нь эрүүл мэндийн ажилчидаас халдвар илэрсэн байна. Мөн зөөвөрлөгдөн ирсэн нэг тохиолдол бүртгэгдлээ. Ингээд Монгол Улсад нийт батлагдсан тохилолдол 50,618 боллоо. 

Харин 52 тохиолдол нь орон нутагт бүртгэгдлээ. Тодруулбал, Дархан 3, Эрдэнэт 8, Сэлэнгэ 1, Сүхбаатар 8, Төв 17, Архангай 9, Говь-Алтай 5, Завхан 1 тохиолдол бүртгэгдсэн байна. 

Харамсалтай мэдээ дуулгахад өнгөрсөн 24 цагт найман хүн нас барлаа. Коронавирусний шалтгаант нас баралт 235 боллоо. Тэдний гэр бүл төрөл төрөгсдөд гүн эмгэнэл илэрхийлж байна. 

805 хүн эдгэрч эмнэлгээс гарсан байна. Ингээд эдгэрсэн хүмүүсийн тоо 44,391 боллоо. 

Одоогоор  3,896 хүн эмнэлэгт хэвтэн эмчлүүлж байгаагаас биеийн байдал, маш хүнд-110, хүнд-539, хүндэвтэр-1343, хөнгөн-1904 хүн байна. 

Тохиолдлын тоо нэмэгдэхийн хэрээр хүнд маш хүнд хүний тоо нэмэгдсээр байгаа учир иргэд та бүхэн халдвар хамгааллын дэглэмээ баримталж, амны хаалтаа давхарлан зүүх, гараа халдваргүйжүүлэх, олон хүнтэй газраар явахгүй байх зэргээр өөрийгөө болон хайртай дотны хүмүүсээ хамгаалаарай.

Б.Баатар