Эрүүл мэндийн яамнаас ээлжит мэдээллээ хийлээ.

Эрүүл мэндийн яамны хэвлэлийн төлөөлөгч Б.Ууганбаяр "Сүүлийн 24 цагийн хугацаанд буюу 2021 оны зургаадугаар сарын 4-ний өдөр 10,700 гаруй хүнд шинжилгээ хийхэд 1,393 хүнээс халдвар илэрлээ. Ингэснээр Монгол Улсад бүртгэгдсэн нийт халдварын тохиолдол 63,978 болж нэмэгдэж байна.

Харин 299 тохиолдол нь орон нутагт бүртгэгдлээ. Тодруулбал, Төв 109, Орхон 50, Дархан-Уул аймагт 2, Хөвсгөл 7, Булганд 32, Сэлэнгэ 8, Хэнтий 9, Өвөрхангай 1, Говь-Алтайд 4, Баянхонгор 25, Увс 23, Ховд 19 тохиолдол бүртгэгджээ. 

Харамсалтай мэдээ дуулгахад өнгөрсөн 24 цагт зургаан хүн нас барлаа. Тэдний гэр бүл төрөл төрөгсдөд гүн эмгэнэл илэрхийлж байна. Харин 463 хүн эдгэрч эмнэлгээс гарсан. 

Тохиолдлын тоо нэмэгдэхийн хэрээр хүнд маш хүнд хүний тоо нэмэгдсээр байгаа учир иргэд та бүхэн халдвар хамгааллын дэглэмээ баримталж, амны хаалтаа зүүх, гараа халдваргүйжүүлэх, олон хүнтэй газраар явахгүй байх зэргээр өөрийгөө болон хайртай дотны хүмүүсээ хамгаалаарай.

Б.Баатар