Эрүүл мэндийн яамнаас коронавирусний халдварын талаар ээлжилт мэдээллээ хийлээ. 

ЭМЯ-ны хэвлэлийн ажилтан Б.Ууганбаяр "Сүүлийн 24 цагт 8500 хүнд шинжилгээ хийхэд 1,312 хүнээс халдвар илэрлээ. Эдгээрийн 970 тохиолдол нь Улаанбаатар хотод бүртгэгдсэн байна. Ингэснээр Монгол Улсад бүртгэгдсэн нийт халдварын тохиолдол 63,978 болж нэмэгдэж байна. Харин хоёр тохиолдол зөөвөрлөгдөн ирсэн. Харин 340 тохиолдол орон нутагт бүртгэгджээ. Тодруулбал, Төв аймагт 88, Орхон 20, Сэлэнгэ 6, Булган 7, Дархан 18, Говьсүмбэр 21, Дундговь 28, Сүхбаатар 22, Дорнод 4, Архангай 23, Баянхонгор 34, Говь-Алтай 35, Булган 7, Баян-Өлгий 1, Ховд 7 тохиолдол бүртгэгдсэн. 

Харамсалтай мэдээ дуулгахад өнгөрсөн 24 цагт зургаан хүн нас барлаа. Тэдний гэр бүл төрөл төрөгсдөд гүн эмгэнэл илэрхийлж байна. Харин 444 хүн эдгэрч эмнэлгээс гарсан. 

Тохиолдлын тоо нэмэгдэхийн хэрээр хүнд маш хүнд хүний тоо нэмэгдсээр байгаа учир иргэд та бүхэн халдвар хамгааллын дэглэмээ баримталж, амны хаалтаа зүүх, гараа халдваргүйжүүлэх, олон хүнтэй газраар явахгүй байх зэргээр өөрийгөө болон хайртай дотны хүмүүсээ хамгаалаарай.

Б.Баатар