Эрүүл мэндийн яамнаас ээлжит мэдээллээ хийлээ.

Сүүлийн үед хүүхдийн өвчлөл эрс нэмэгдэж байна. Энэ нь вакцинтай холбоотой гэж эрдэмтэн судлаачид үзэж байна. Хүүхдээ олон нийтийн газраар дагуулж явахгүй байх, амны хаалтыг тогтмол зүүлгэх, айл хэсэхгүй байх нь хүүхдийн эрсдэлийг бууруулах нэг арга гэдгийг хэллээ. 

Сүүлийн 24 цагт 2386 хүнээс халдвар илэрлээ.

Үүнээс Улаанбаатарт 1675, орон нутагт 711 тохиолдол бүртгэгдлээ. Эдгээрийн 618 нь вакцин тариулаагүй 0-17 насны хүүхэд байна.
Мөн хугацаанд 11 хүн нас барлаа. Тодруулбал, 50-59 насны 3, 60-69 насны 4, 70-79 насны 1, 80-аас дээш насны 3 хүн коронавируст халдварын хүндрэлээр амиа алджээ. Дээрх иргэд амьсгалйн замын архаг дутмагшилтай байсан гэж ЭМЯ-аас мэдээллээ. 

Түүнчлэн 797 хүн эдгэрч, нийт эдгэсэн хүний тоо 57,822 боллоо. Харин эмнэлэгт нийт 9346 орчим хүн хэвтэж байгаагаас маш хүнд оноштой 184 хүн байна. 

А.Сүх