Сумо бөхийн 68 дахь аварга Асашёорюү Д.Дагвадорж өөрийн цахим хуудсаараа дамжуулан "Аса явуулын станц"-аараа дамжуулан олон нийтэд мэдээлэл өгдөг. Тэрбээр энэ удаад коронавирусний халдвар, дархлаажуулалтын талаар ХӨСҮТ-ийн захирал Л.Баттөртэй ярилцав.

Сүүлийн үед Эрүүл мэндийн яамны мэдээлэл нэг л хэвийн үргэлжилж байсан бол энэ удаад Асашёорюү Д.Дагвадорж ярилцсан нь сонирхолтой, олны анхаарлыг татаж байна.  Энэ талаар ХӨСҮТ-ийн захирал Л.Баттөр "Ард иргэд нэг л хэвийн мэдээлэл үзээд уйдаж байх шиг байна. Өнөөдрийн та бид хоёрын ярилцлага олон хүнд хүрнэ гэж найдаж байна" гэсэн юм. 

Энэ үеэр Д.Дагвадорж "Бид ер нь хэзээ эрх чөлөөтэй болж, халдварын ард гарах вэ" гэдгийг тодруулахад ХӨСҮТ-ийн захирал Л.Баттөр "Бид олон нийтэд эерэг мессежийг өгөхөөр ард иргэд тайвширлыг авдаг. Харин нас баралтын талаар мэдээлэхээр айдаст автуулж байна гэх хардлага төрж байгаа. Ер нь бол яг хэзээ халдварын ард гарахыг шууд хэлэх боломжгүй. Үүнд хүн бүрийн оролцоо маш чухал. Халдвар хамгааллын дэглэмийг ягштал баримтлах нь энэ өвчнийг эрсдэл багатай даван туулах арга зам. мөн дархлаажуулалтдаа идэвхтэй хамрагдах нь чухал" гэлээ.

Б.Баатар