УИХ-ын гишүүн Ш.Адьшаа осолд орж, гэмтсэн талаарх мэдээлэл өчигдрөөс цахимаар явсан ч албан ёсны хариуг гишүүний ажлын алба, Тээврийн цагдаагийн газраас ч өгөөгүй юм.  Тэгвэл гишүүн осолд орсон нь үнэн аж.

Тодруулбал, Ш.Адьшаа гишүүн өөрийн сонгогдсон тойрог болох Ховд аймагтаа ажиллаад зургаадугаар сарын 15-ны өдөр нийслэл рүү буцаж явахдаа замын хашлага мөргөсөн байна. Энэхүү осол Баянхонгор аймгийн Бууцагаан сумын нутаг дэвсгэрт болсон бөгөөд  сумын замын цагдаагийн албаныхан газар дээр нь ажиллажээ. Азаар, эрхэм гишүүн болоод хамт явсан хүмүүсийн толгой тархи доргисноос өөрөөр ноцтой бэртэж, гэмтээгүй байна. Цаашлаад бороо орсны улмаас замд халтиргаа үүссэнээс уг осол болсныг замын цагдаагийнхан урьдчилсан байдлаар тогтоосон аж.   

У.Тэргэл