ЭМЯ сэрдсхийм ийм мэдээллийг нийгэмд өгч, сэрэмжлүүлсээр байна. Тодруулбал, өнөөдрийн байдлаар коронавирусний халдвар авч хүндэрсэн иргэдийг эмнэлэг хүлээн авч, эмчилж буй. Тэдгээрээс суурь, архаг өвчтэй,  хавдартай өвчтөнүүд өдөрт арав гаруйгаараа амь насаа алдаж байгаа бол цаашид байдал улам хүндэрч, ор хүрэлцэхгүйн улмаас хүмүүс эмнэлгийн гадна амьсгаа хураах болно гэдгийг ЭМЯ-ны Нийтийн эрүүл мэндийн бодлогын хэрэгжүүлэлтийг зохицуулах газрын дарга Л.Энхсайхан мэдэгдлээ.

Төр, засаг нь болохоор зургаадугаар сарын 15-наас халдварын тохиолдол эрс буурч, долоодугаар сарын эхээр насанд хүрэгчдээ бүрэн вакцинжуулснаар сүргийн дархлаа бий болж, Ковидгүй зуныг үзнэ хэмээгээд байгаа. Гэтэл эсрэгээрээ эрдэмтэн судлаачид, эмнэлгийн байгууллагынхан яаралтай хатуу хөл хорихгүй бол нөхцөл байдал улам хүндэрч, өдөрт халдварын тохиолдол 4000-5000–д хүрнэ хэмээн анхааруулсаар байна. 

Төрийн өндөрлөгүүд хэлсэн амандаа бантаж, аль болох хатуу хөл хорио тогтоохгүйгээр гүрийх гээд байдаг. Харин эрүүл мэндийн салбарынхан нөхцөл байдал дунд байгаагийнх яаралтай арга хэмжээ авахыг сануулсаар... Харин өнөөдөр энэ бүхний хохирогч нь жирийн иргэд та бид болж байна. Тиймээс төр, засаг нь ард түмнээсээ эртхэн уучлал гуйн  мэргэжилтнүүдийнхээ, эрдэмтэн судлаачдынхаа үгийг дагаж,шуурхай арга хэмжээ авахгүй бол Ковидгүй зун чинь эсрэгээрээ болж, эмнэлгийн гадна эмнэлгийн тусламж авч чадалгүйгээр олон хүн амиа алдах аюултай нөхцөл байдал үүсчихээд байна, Төрийн өндөрлөгүүд ээ!

У.Тэргэл