Зуны урин дулаан цаг ирж, олон сараар гэрийн хорионд байсан иргэд хүүхэд, багачуудаа дагуулан гол дагуу амарч, зугаалах нь их байна. Хамгийн гол нь иргэд амны хаалтгүй бөөгнөрөл үүсгэж байгаа тул хөдөлгөөний хязгаарлалт хийж эхэлснийг ЦЕГ-ын Хэвлэл мэдээллийн төвийн дарга Б.Баатархүү хэллээ. 

Тэрбээр "Иргэд амны хаалтаа байнга зүүж, хүн хоорондын зайгаа бариад гадуур явж, зугаалж болно. Гэтэл гол дагуу амарч байгаа иргэд архидан согтуурч, амралтын газрууд хууль бусаар ажиллаж байгаа учраас Захиргааны арга хэмжээ авч эхлээд байна. Завьтай, морьтой, автомашинтай, явган гээд 1000 гаруй алба хаагч дэглэм бариулахаар ажиллаж байгаа ч хүн хүч хүрэлцэхгүй хүндрэлтэй байгаа. Жишээ нь, өнгөрсөн амралтын өдрүүдэд  гэхэд л халдвар хамгааллын дэглэм зөрчсөн 2000 орчим зөрчил бүртгэгдсэн” гэлээ.

У.Тэргэл