Д.Шижирбаатар “Үйлчилгээний Гавьяат ажилтан” боллоо

2021-6-24

Сүхбаатар аймгийн Засаг даргын орлогч Д.Шижирбаатар Монгол Улсын Ерөнхийлөгчийн зарлигаар “Үйлчилгээний гавьяат ажилтан” цол тэмдгээр шагнагдлаа. Тэрээр 1983 оноос Сүхбаатар аймгийн АДХГЗ-нд хөдөлмөр нийгмийн хангамжийн байцаагчаар хөдөлмөрийн гараагаа эхлүүлснээс хойш 40 шахам жил төрийн албанд, үүнээс 25 жил удирдах албан тушаалд идэвх санаачилга, үр бүтээлтэй ажиллаж байна.

Д.Шижирбаатар нь Уулбаян сумын дунд сургуулийн багш, захирал, Засаг дарга, ИТХ-ын даргаар олон жил ажиллахдаа нутгийн өөрөө удирдах байгууллагыг бэхжүүлж, сумынхаа нийгэм, эдийн засгийн бүхий л салбарын жигд хөгжлийг хангахад хөрөнгө санхүү, хүний нөөцөө бүрэн дайчлан ажилласнаар сум нь аймагтаа төдийгүй улсад жишиг болохуйц өөрчлөгдөж, аймгийн “Тэргүүний сум”-аар гурван ч удаа шалгарч байлаа.

Түүнийг ажиллаж байх хугацаанд ард иргэд, аж ахуйн нэгжид үзүүлж байгаа үйлчилгээний чанар, хүртээмжийн талаарх хэрэглэгчийн сэтгэл ханамжийн үнэлгээгээр Уулбаян сум аймагтаа хамгийн өндөр үнэлэгдэж байсан нь төрийн үйлчилгээг иргэдэд ойртуулж чадсаныг илтгэдэг.

Д.Шижирбаатар мөн 2008-2012 онд аймгийн ИТХ-ын даргаар ажиллаж, аймгаа улсын тэргүүний аймгаар удаа дараа шалгарахад зохих үүрэг гүйцэтгэсэн, орон нутгийнхаа хөгжил дэвшлийн төлөө 40 шахам жил тасралтгүй зүтгэж буй “төрийн хар хүн" юм.

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (2)

Зочин (103.229.121.76)

Хаха тэнэгүүд

2021 оны 06 сарын 25 | Хариулах
Зочин (112.72.15.78)

Нээрээ шагнал утгаа алдаж байна доо. Багш, сум аймгийн дарга хийж байсан хүн үйлчилгээний гавьяат ажилтан гэнэ үү. Одоо та нар болил доо. Авч байгаа өгч байгаа 2 нь таар ч дээ

2021 оны 06 сарын 24 | Хариулах