Eruul.gerege.mn  системийн ашиглалтын төлбөрийг төлөөгүйн улмаас аргагүйн эрхэнд үйл ажиллагаагаа зогсоох болсноо мэдэгдлээ. Тодруулбал, “Гэрэгэ Системс” ХХК нь 2020 оны арванхоёрдугаар сараас “ЭрүүлМН” системийг ашиглалтад оруулж, 2021 оны дөрөвдүгээр сарын 1-нээс ОБЕГ болон ХӨСҮТ-тэй систем хөгжүүлэлт болон ашиглалтын гэрээ байгуулан ажиллаж эхэлжээ.

Гэвч гэрээ байгуулснаас хойш систем ашиглалтын төлбөрөө нэг удаа л төлж, бусад сарынхныг өнөөдрийг хүртэл төлөөгүйгээс оффисын түрээсийн болон ажилчдын цалин, нийгмийн даатгалын шимтгэл, татварын өр ихээр хуримтлагдаж, санхүүгийн маш хүнд байдалд оржээ. Тиймээс өнөөдрөөс “ЭрүүлМН” системийн бүх функцыг зогсоох болсноо  албан ёсоор мэдэгдлээ.

Уг системээр дамжуулан иргэд шинжилгээ өгөх цагаа авч мөн шинжилгээнийхээ хариуг ч хүлээн авдаг байсан. Тэгвэл өнөөдрөөс энэ бүхэн зогсож, шинжилгээний цэгүүд ажиллахгүй иргэдийг буцааж эхэлжээ.

Үнэхээр л энэ бүхнээс харахад өдөрт тохиолдол нь хэдэн мянгаараа илэрч байгаа коронавирусний халдварыг илрүүлэхгүй байх шинэ аргыг туршаад эхэлсэн бололтой. Нэг үгээр, No PCR-No Covid  болж, ковидгүй зун эхэллээ.

У.Тэргэл