Баянзүрх дүүргийн эмнэлгийн хажууд байрлах Энэрэл эмнэлгийн үүдэнд нэгэн залуу тусламж авч чадаагүй амиа алдсан харамсалтай хэрэг гарсан. Харин цагдаагийн байгууллагаас уг хэргийг шалгаж эхэлсэн байна.

Энэ талаар ЦЕГ-ын Хэвлэл мэдээллийн төвийн дарга, хурандаа Б.Баатархүү “Цагдаагийн байгууллагад 2021 оны долоодугаар сарын 3-ны өдрийн 11:29 цагт Баянзүрх дүүргийн XXII хорооны нутаг дэвсгэрт байрлах “Энэрэл” эмнэлгийн гадна хүн нас барсан байна гэсэн дуудлага мэдээлэл ирсний дагуу цагдаагийн байгууллагаас хэргийн газарт очиж шалгахад 35 настай эрэгтэй Р гэгч нас барсан хэргийг дүүрэг дэх цагдаагийн байгууллага шалгаж байна. Амь хохирогчийн үхлийн шалтгааныг шүүх эмнэлгийн дүгнэлтээр тодорхойлох бөгөөд тухайн амь хохирогчид эмнэлгийн тусламж үйлчилгээг эрүүл мэндийн байгууллагаас шуурхай үзүүлсэн эсэх асуудлыг шалгах ажиллагааг явуулж байна” гэлээ.