Хууль зүй, дотоод хэргийн сайд Х.Нямбаатараар ахлуулсан баг өнөөдөр Дорноговь аймагт ажиллаж, Замын-Үүд сумын Засаг даргыг зургаан ажилтных нь хамт саатуулсан. Харин Авто тээврийн үндэсний төвийн Замын-Үүд дэх салбарын дарга А.Хатансайханыг саатуулан шалгах болоход тэрбээр олдоогүй байна. Түүний хариуцаж буй салбар ингэтлээ доройтсоноос ачаа бараа хагас жилээр саатаж, мөн авлигыг гааруулахад ихээхэн хувь нэмэр болсон гэх. 

А.Хатансайхан сумынх нь Засаг дарга, албан тушаалтнуудыг саатуулсан сургаар зугтсан гэх мэдээллийг холбогдох албаныхан өгч байна. Тиймээс түүнийг эрэн хайж байгаа аж.

Мөн түүнийг албан тушаалаас нь чөлөөлж, оронд нь Дорноговь аймгийн Авто тээврийн үндэсний төвийн дарга Сүхбаатарыг түр томилуулах тушаал гарсан юм.

У.Тэргэл