Эрчим хүчний яамнаас цахилгаан тасарсантай холбоотойгоор мэдээлэл хийлээ.
Эрчим хүчний яамны хяналт шинжилгээ үнэлгээ, дотоод аудитын газрын дарга Х.Бекболоат: Өчигдөр буюу долоодугаар сарын 7-ны өдрийн 15:28 цагийн орчимд гурвалжингийн гүүрний ойролцоо дунд гол цахилгаан дамжуулах агаарын шугамын 29-р тулгуурт барилгын тугалган цаастай 13 метр урт материал тохогдсоноос богино залгаа үүсч, цахилгаан эрчим хүч тасарсан. Эрчим хүчний тухай хуульд заасан шугам сүлжээ хамгаалах дүрэм зөрчигдсөн. Зөвшөөрөлгүй үйл ажиллагаа явуулж, хамгаалалтын зурваст буусан айл өрх, аж ахуй нэгжүүдэд удаа дараа шаардлага хүргүүлж байгаа боловч үр дүнд хүрэхгүй байна. Тиймээс эрчим хүчинд эрсдэл учруулж байна.
Хамгаалалтын зурваст 2019 онд 271 аж ахуй нэгж байсан бол 2020 онд 241 болгож бууруулсан. Айл өрхүүд 860 байсан бол 962 болж өссөн. Газар чөлөөлөлтийг хийдэг боловч дахин айл өрхүүд буудаг зөрчлүүд даамжирсаар байна. Тэгэхээр хамгаалалтын зурваст буух нь ямар хор уршигтайг анхаарах хэрэгтэй байна.
Диспетчерийн үндэсний төв ХХК гүйцэтгэх захирал Г.Балжинням: Монгол Улсын эрчим хүчний салбар 2021-2022 оны өвлийн ачаалалд бэлдэж, салбараараа эх засваруудыг хийж байна. Агаарын шугамд богино залгаа үүссэнээр эх үүвэрүүд дээр чадлын дутагдал үүссэн. Хэрэглээ, үйлдвэрлэлийн тэнцвэргүй, нөөц бэлтгэл чадалгүй байдлаас энэ хүндрэл үүссэн. Цаашид бид шинэ эх үүсвэр барьж, өөрсдийн цахилгаан, дулааныг бүрэн хангахаас гадна нөөц, бэлтгэлтэй байх ёстой. Ингэж бид эрчим хүчээ бүрэн хангана. Аваар сааталтай холбоотой эрлийн хамгаалалтын ажил сайжирсан.
Эрлийн хамгаалалт автоматикийн хэлтсийн дарга Ч.Амарсанаа: Эрчим хүчний системд гэмтэл гарч саатаж байгаа биед найдвартай байдлыг хангах, цааш гэмтэл гаргахгүй байх үндсэн үүргийг Эрлийн хамгаалалт автоматикийн байгууламж хариуцдаг.Өнгөрсөн зургаан сарын хугацаанд 431 удаа тасрал дээр бид ажиллалаа. Өчигдрийн богино залгаа нь 432 удаа гарсан. Энэ богино залгааны үед ТЭЦ3, ТЭЦ4-ийн 110 кВ систем ойрхон тааз хоорондын богино залгаа үүсэж, хүчдэлийн загаа үүссэн. Энэ үеэр IV цахилгаан станцад саатал гарсан. Улаанбаатар хот болон төвийн бүсийн аймгуудыг хангаж буй Төвийн бүсийн эрчим хүчний системийн Улаанбаатар-Эрдэнэтийг холбосон 220 кВ-ын цахилгаан дамжуулах агаарын шугамд өчигдөр гэмтэл гарснаас ачааллын хэлбэлзэл үүсэж, Улаанбаатар хот болон төвийн бүсийн аймгуудын зарим хэсгийн хэрэглэгчид цахилгаанаар хязгаарлагдсан.
Б.Баатар
