Цахим сүлжээнд "Нүдэнгоо" хэмээх зохиолын дууны клип цацагдаж, олны анхаарлыг татаад байгаа. Тодотговол, тус дууны клипийг насанд хүрэгчдэд зориулсан, садар самууныг сурталчилсан хэмээн буруутгах нэгэн байгаа бол зохиолын дууг шинэчилж, олон нийтэд хүргэсэн уран бүтээл боллоо гэх хүн ч бий. Олны анхаарал татсан гол сэдэв болсон "Нүдэнгоо"-г тойрсон мэдээллийг хүргэж байна. 

Дуучин Б.Баяр-Отгонын тайлбар юу байв

Уран бүтээлийнхээ талаар дуучин Б.Баяр-Отгон тайлбар хийжээ. Тэрбээр "Клипийг нь карантины үеэр хийсэн юм. Тэгээд бэлэн болгосон байсныгаа сая хөдөө явахдаа фэйсбүүк дээрээ тавьчихаад гарчихсан юм. “Нүдэн гоо” гэхээр заавал нүдтэй холбоотой, дээлтэй, морьтой хүүхэн гарч ирээд нүдээрээ инээх албагүй шүү дээ. Өмнө нь яахав дээлтэй, морь унасан бүсгүйчүүдтэй клип хийж л байсан. Тэгээд телевизүүд HD болоод миний “Нүдэн гоо” дууны хуучин клип чанарын шаардлага хангахгүй болсон. Тиймээс бодож байгаад шинэчилсэн. Энэ дууны шүлэг бол эмэгтэй хүний гоо сайхныг магтсан агуулгатай юм.

Түүнээс биш буруу үлгэр дуурайлал үзүүлсэн, садар самуун сурталчлах гэсэн утга санаа, зорилго ердөө байхгүй. Хүмүүс “Нүдэн гоо” гэхээр заавал нүдний тухай дуу байх ёстой гэж бодоод байх шиг байна. Уг нь шал ондоо хэлбэрээр хийе гэж бодсон клип юм" хэмээсэн байна.

“Нүдэнгоо” дууны клипэнд тоглосон Б.Сугарсүрэн гэж хэн бэ

“Нүдэнгоо” дууны клипэнд бодибилдингийн тамирчин, фитнесс мисс Б.Сугарсүрэн тогложээ.

Б.Сугарсүрэн нь Монголын анхны бодибилдингийн эмэгтэй тамирчдын нэг, анхны фитнесс мисс бөгөөд анхны Олон улсын хэмжээний мастер цолтой нэгэн аж.

Азийн аварга шалгаруулах тэмцээний хошой мөнгө, Зүүн Азийн аваргын алт, мөнгөн медальт, Монгол Улсын хошой аварга зэрэг олон шагналын эзэн юм. Монголын эмэгтэй тамирчдыг дасгалжуулан олон улсын тэмцээнд бэлтгэж, А зэрэглэлийн шүүгчийн эрхтэйгээр томоохон тэмцээнүүдэд оролцдог Б.Сугарсүрэн 2014 онд төрийн дээд шагнал болох Алтан гадас одонгоор энгэрээ мялааж байжээ.

"Нүдэнгоо" дууны талаар олон нийт юу хэлэв

“Нүдэнгоо” дууны клипэнд тоглосон Б.Сугарсүрэгийн зургийн цомгоос