“Токио-2020” зуны олимпийн наадам өнөөдөр албан ёсоор эхэлнэ. МҮОХ-ны Тэргүүн дэд ерөнхийлөгч, ОУОХ-ны Гишүүн Батболдын Баттүшигийн төрсөн өдөр өчигдөр тохиов. Тэрбээр энэ олимпод Монголын багийг ахалж байгаа.

Хэдхэн хоногийн өмнө 45 дахь түрүүгээ хүртсэн Хөдөлмөрийн баатар, гавьяат тамирчин, 69 дэх ёкозүна Хакүхо М.Даваажаргал болон “Бээжин-2008” олимпийн наадмын аварга, ДАШТ-ий мөнгөн медальт, Хөдөлмөрийн баатар, гавьяат тамирчин Э.Бадар-Ууган нар энэхүү баярт мөчийг нь хуваалцжээ

. Хоёр аварга Монголын багийн ахлагч, эрхэм найзтайгаа оройн зоогонд хамт орж, алтан шаргал мөнгийн медаль бэлэглэсэн байна. Тэрхүү медаль дээр төрсөн өдрийн эзний нэр болон ар талд нь олимпийн уриа болох “Хурднаас хурдан”, “Өндөрөөс өндөр”, “Хүчтэйгээс хүчтэй” үгийг сийлүүлжээ.

Б.Жаргал