Бөх тайлбарлагч С.Шижирбат өчигдөр өөрийн цахим хуудастаа "форекс" О.Мөнхжин гаргасан койноороо иргэдийг залилж байна гэх утга бүхий мессежийг олон нийтэд хүргэсэн. Уг асуудалтай холбогдуулан О.Мөнхжин С.Шижирбатыг шүүхэд өгөхөө мэдэгджээ.

Тэрбээр энэ талаар өөрийн цахим хуудастаа “Чамайг худал мэдээлэл тараасан, нэр хүнд гутаасан хэргээр шүүхэд өгнө.

Амныхаа завсар бүрээр худлаа мэдээлэл савирдаг, хүссэнээрээ нэр хүндэд халдаж болдог гэж боддог гаруудтай одооноос хариуцлага тооцно!

Бид 100 тэрбум койноо гаргадгаараа гаргасан.

Мань хүн харанхуйн туйлууддаа биднийг ердөө 30 тэрбумыг гаргаад луйвар хийж байна гэсэн ойлголт өгч байна. Хөдөлшгүй баримт байхад ингэж худлаа хэлэн гүтгэж, нэр хүндэд халддаг, өөрсдийгөө нийгэмд нөлөө үзүүлэгч гээд итгэчихсэн гаруудтай үргэлж хариуцлага тооцуулна” гэлээ.