ХӨСҮТ-ийн Дархлаажуулалтын албаны дарга О.Дашпагма ковид-19 халдварын эсрэг дархлаажуулалтын явц болон бусад асуудлаар мэдээлэл өглөө.
Тэрбээр “Улсын хэмжээнд өнгөрсөн хоёрдугаар сараас эхлэн дархлаажуулалтын үйл ажиллагаа эхэлсэн. Энэ хугацаанд 18-аас дээш насны хүн ам, мөн хүүхдэд хийх боломжтой болсноос хойш 12-оос дээш насныхныг дархлаажуулалтад хамруулж байна. Аравдугаар сарын 7-ны өдрийн байдлаар уг өвчний зорилтот бүлгийн хамрагдалт 95.5, хоёр дахь тунгийнх 90.5 хувтай байна.
Нийт хүн амын 69.2 хувийг дархлаажуулалтад хамруулсан.
Харин гурав дахь тунд 332 мянган иргэн хамрагдаад байна. Ингэхдээ дархлаажуулалтын хоёр тунд хамрагдсанаас хойш гурван сарын дараа гурав дахь тунг хийлгэх боломжтой юм. Дархлаажуулалтад хамрагдсанаар халдвараас урьдчилан сэргийлээд зогсохгүй хүндрэлээс сэргийлэх үр дүнтэй” гэлээ.
А.Сүх
