ХӨСҮТ-ийн захирал Ц.Билэгтсайхан коронавирусний халдварын нөхцөл байдлын талаар мэдээлэл өглөө.

Тэрбээр “Дархлаа сэргээх нэмэлт тунгийн үйл ажиллагаа төлөвлөгөний дагуу үргэлжиж байна. Манай улс дөрвөн төрлийн вакцин сайн дураар хийж байгаа. Хоёр тунгаа авснаас хойш 14 дэх хоног дээрээ эсрэг биеийн титр хамгийн өндөр түвшинд тодорхойлогдож байна. Улмаар тодорхой хугацаа өнгөрсний дараа эсрэг биеийн титр багасдаг юм байна. Тиймээс дархлаа сэргээх зорилгоор вероселл болон файзер вакцин хийж байна.

Шинэ тохиолдлын тоо, ПСР шинжилгээгээр эерэг илэрч байгаа хувь, нас баралтын тоо зэрэг хэд хэдэн шалгуураар энэ тархалтыг үнэлдэг юм. Уг үнэлгээгээр халдвар оргил үе дээрээ байна.

Тухайлбал, есдүгээр сарын сүүлийн долоо хоног, аравдугаар сарын эхний хоёр долоо хоногт халдвар оргил үе дээрээ байгаа. Үүнээс цааш халдварын тархалтын тоо буурах хандлагатай байна" гэлээ. 

А.Сүх