Хорих ял эдлүүлэх албаны Сургалт, нийгэм, сэтгэл зүйн хэлтэсээс ардын уламжлалт өв соёл, урлагаар дамжуулан хоригдлыг хөгжүүлэх, соёл урлагийг түгээн дэлгэрүүлэх, сурталчлан таниулах зорилгоор хорих анги, байгууллагуудад морин хуурын сургалтыг зохион байгуулж байна. Энэ хүрээнд Нийслэлийн соёл, урлагийн газар, “Өрнө дорнын соёл, хөгжлийн харилцааны зөвлөл” төрийн бус байгууллагуудтай хамтран ажиллажээ.

Төслийг Сургалт, хүмүүжлийн тусгай байгууллагаас эхлэн хэрэгжүүлж байгаа бөгөөд Морин хуурын сургалтыг эхлүүлж, нээлтийг энэ сарын 8-нд зохион байгуулсан юм. Тус арга хэмжээнд Сургалт, нийгэм, сэтгэл зүйн хэлтсийн дарга, хурандаа Ч.Цэнгэлбаяр, Нийслэлийн соёл урлагийн газрын дарга Ж.Дамдинцэрэн, “Өрнө дорно” соёл, хөгжил харилцааны зөвлөл” төрийн бус байгууллагын захирал И Чол Хи болон ШШГБ-ын “Соёмбо” чуулгын хөгжимчин, дуучид оролцлоо.